«Сәләт» Прага мәктәбен оештыруның беренче этабы ← кире кайтырга

23-нче апрель, 18:00, "Сәләт" йортында "Сәләт" Прага мәктәбе катнашучылары өчен махсус семинар үтәчәк. Биредә шулай ук проектны оештыручылар һәм гамәлгә куючылар булуы да көтелә.

Теләге булган барлык кешеләрне әлеге чарада катнашырга чакырабыз!

«Сәләт» Прага мәктәбе – 20-35 яшьлек егет-кызлар, яңа идея хуҗалары, проект авторлары һәм җитәкчеләре өчен уку-укыту программасы ул. Мәктәптә проект менеджменты, команда белән эшләү, идарә итү һәм иҗтимагый җаваплы бизнес төзүгә караган уку-укыту программасы төзелгән. Мәктәпнең төп максаты булып идеяләре ташып торган, мотивацияле, уңышлы, лидерлык сыйфатлары хас булган белгечләр әзерләү тора.