«Сәләт ВикиМәктәбе»

Бүгенге көндә безнең һәрберебез дә интернет һәм Википедия белән куллана. Әлеге интернет-энциклопедиягә барлык кеше дә үз өлешен кертә ала. Энциклопедия шактый күп телләрдә алып барыла, шулай ук татарча да. Безнең оешмабызның төп максатлары туган татар телне саклау һәм үстерү булганлыктан, 2016-нчы елда Фәрһад абый Фәткуллин инициативасы белән «Сәләт ВикиМәктәбе» проекты барлыкка килә.

«XXI гасырда барлык мөһим булган мәгълүмат төрле интернет-ресурсларда саклана. Асылда, мәгълүматның ниндидер телдә булуы, аеруча Викимедиа проектында булган очракта – телнең үсешенә китерә. Татар телле балаларны Википедия, Викихәбәрләргә җәлеп итәр өчен, 2016-нчы елдан башлап төрле проект чараларын оештырам», ассызыклады проект җитәкчесе Тимерхан Шәйхетдинов. 

«Сәләт ВикиМәктәбе»нең төп максатлары: 

- Татар телле яшьләрне Викимедиа проектлары бирә торган мөмкинлекләрне куллануга өйрәтү; 

- Викимедиа платформасын Сәләтнең проектларына кертү; 

- XXI гасыр татар телле интеллигенциясенә нигез салу; 


Проект кысаларында уку-укыту программасы каралган. 
Соңыннан программаны узган катнашучылар өчен практика чоры башлана, һәм ул киләсе пунктлардан гыйбарәт: 

- Дөньяның төрле почмакларында узучы Вики чараларында бушлай катнашу мөмкинлеге; 

- «Сәләт ВикиМәктәбе» курсларын үтүне раслаучы Викимедиа таныклыгын алу; 

- Бер ел дәвамында Викихәбәрләр порталына мәкаләләр язып торган очракта, катнашучыга журналист таныклыгы бирелү;

- Татарстан мәдәни объектлары буенча вики-сәфәрләр катнашучы булу мөмкинлеге.

2019-нчы елның март аенда Сәләт ВикиМәктәбенең язгы уку-укыту сессиясе кысаларында күчмә семинар планлаштырыла.

Нигезмәлә

Җитәкчелек