Fewral turında kıskaça! ← kire kaytirga

·       «Fänsar» mäktäbeneñ yazgı smenasına garizalar kabul itü kampaniyase startı (14.02)

24-30 nçı mart könnärendä Bilärdä, «Fänsar» fän häm mägarif üzägendä, M.I.Mäxmütow isemendäge «Fänsar» mäktäbeneñ yazgı sessiyase ütäçäk. Fän olimpiadalarında häm konferentsiyalärdä aktiw katnaşuçı 8-11 nçe sıynıf ukuçılarınnan garizalar kabul itelä! Yaña belemnär, imtixannarga äzerlek, intellektual, şayan kiçke çaralar, diskätüklär, yakın duslar häm yaratkan äydamannar sine kötä! Urınnar sanı könnän-kön azaya, tizräk garizañnı cibär!

·       «Sälätle cäy – 2025» yal itü kampaniyase başlanu häm X respublikaküläm «Sämrux» el premiyasen tapşıru tantanasına bagışlangan matbugat konferentsiyase (17.02)

«Tatar-inform» mäglümat agentlıgında «Sälätle cäy – 2025» yal itü kampaniyase başlanuına häm Sälätle balalarnı häm yaşlärne üsterü ölkäsendä X respublikaküläm «Sämrux» el premiyasen tapşıru tantanasına bagışlangan matbugat konferentsiyase uzdı. Çarada TR Yaşlär eşläre ministrı urınbasarı Aygöl Sabirowa, «Sälät» yaşlär üzäge direktorı Aygöl Gabdraxmanowa, «Sälätle cäy» üzäge citäkçese, «Sälät» yaşlär üzäge direktorı urınbasarı Ayaz Xanafin, Tatarstannıñ top-blogerı, «Kopilka Sçastya» xäyriya proektı awtorı, TR yaşlär eşläre ministrlıgı karşındagı ictimagıy sowet ägzası, Sälät alannarı sälkeşe Alinä Gimaltdinowa, X «Sämrux» el premiyaseneñ «El äydamanı» nominatsiyase finalistı Söläyman Möxämmätcanow katnaştı. Biredä Sälät proektlarınıñ xäzerge wakıttagı role, alarnıñ 2024 eldagı eşçänlege buença näticäläre häm kiläse 2025 elga kuelgan maksatlar, planlaştırılgan çaralar turında süz alıp barıldı. Tulırak: http://selet.biz/tat/news/s-l-t-s-kazhdym-godom-rastet-otkryvaet-novye-vozmozhnosti/

·       «Olimp» alanınıñ yazgı smenasına garizalar kabul itü kampaniyase startı (18.02)

24 - 30 mart könnärendä «Yoldızlı»da 1-11 sıynıflar öçen «Olimp»nıñ yazgı smenası uzdırılaçak. Olimpiadalar häm imtixannar aldınnan nıklı äzerlek – biremnärne döres ütäü häm yugarı ballar cıyunıñ uñış nigeze. «Olimp» alanınıñ sälkeşläre monı tägaen belä! Äzerlek faydalı häm küñelle uzsın disäñ, garizañnıtutırıp cibär häm «Olimp» alanınıñ yazgı smenasına kil!

·       X Sämrux el premiyasen tapşıru tantanası (19.02)

Bäşir Rämiew isemendäge IT-parkta fewral ae kerü belän sälätlelär dulkınlanıp kötä, äzerlänä torgan grandioz çara – X «Sämrux» el premiyasen tapşıru tantanası bulıp uzdı. Biredä «Sälät» berläşmäseneñ 2024 nçe eldagı eşçänlegenä näticä yasaldı häm el däwamında «Sälät» xäräkätendä aktiw katnaşuçı talantlı balalar häm yaşlär, berläşmäneñ proektların gamälgä aşırırga yardäm itüçe partnerlar, sälätlelär häm uñışlı initsiatiwa awtorları büläklände. Barlıgı 19 nominatsiya buença ciñüçelär bilgelände. Bıel «Sämrux» el premiyasenä tagın ber nominatsiya kertelde: «El alan ukıtuçısı». Ciñüçelärgä «Sämrux» simwolikası töşerelgän istälekle büläklär, partnerlarıbızdan büläklär, Fundselet mäydançıgınnan akçalata premiya häm, älbättä inde, ciñüçe diplomı häm töp büläk – «Sämrux» sını tapşırıldı. Premiyane sälätlelär üzläre fund.selet.biz platformasında tupladı. Bıel kümäk köç belän 700 meñ sumnan artık akça cıeldı. X «Sämrux» el premiyasen tapşıru tantanası här sälätleneñ küñelendä cılı xatirälär kaldırdı. Tulırak: http://selet.biz/tat/news/rinat-sadykov-nasha-glavnaya-zadacha-na-segodnyashniy-den-oberegat-i-razvivat-s-l-t-/

·       Sälät «Almagaç» mäktäbe häm «Bäläkäç» klubı gailäläre öçen kışkı «Asıl gailä» cıenı (22.02)

Berdämlek, kışkı maturlık, yal könen faydalı häm küñelle itep uzdıru - bu süzlär kışkı «Asıl gailä» cıenı turında. Sälätlelär timerayakta şuu buença ostaxanädä katnaştı, bergä matur fotosurätlär yasadı häm kütärenke käef belän büleşte.

·       Sälät klublarınıñ aktiw eşçänlege (ay däwamında)

Sälät klubları mäktäplärdä ay däwamında törle çaralar, törle fännär buença tügäräklär häm sektsiyalär, ostaxanälär, küñelle uennar häm bäyrämnär, oçraşular oeştırdı. Sälät klubları balalarga üzlären kızıksındırgan ölkälärdä tiränräk belem alırga, yaña künekmälär üzläşterergä häm üz fikerlären belderergä mömkinlek birä. Klublarda katnaşu balalarnıñ ukudagı uñışların arttıra, alarda üz-üzlärenä ışanıç uyata häm kiläçäk tormışlarında uñışlı bulırga yardäm itä.

·       «Yaş yöräklär» teatr laboratoriyase däresläre (ay däwamında)

Teatr sängate belän kızıksınuçılar öçen laboratoriya däresläre üz eşçänlegen däwam itte. Katnaşuçılar maxsus däreslär häm treninglarda katnaştı, teatr sängateneñ üzençäleklären öyrände.