Töp yunäleş:
tarix, icat, tel
Ütkärelü wakıtı:
11-17 iyun; 19-23 iyun
Ütkärelü urını:
Bilär
Katnaşuçılar: 5-11 sıynıf ukuçıları

«Bolgar-Tugan tel» çatırlı alanı 2014 nçe elda barlıkka kilä häm inde berniçä el däwamında üzenä sälätle balalarnı cıya. Bolgarda barlıkka kilgän alan bıel berençe tapkır Izge Bilär cirendä ütkäreläçäk häm näk menä älege smenadan soñ Sälät forumnarı start alaçak!

Alan programması tatar telen, mädäniyaten öyränügä, telneñ törle ölkälärdä gamäli kullanışın arttıruga yunältelgän. Ul katnaşuçılarnıñ härbersenä üzlären tatar mädäniyaten üsterüdä cawaplı itep toyarga mömkinlek birä, törle tematik bloklarga bülengän mädäni häm belem birü çaralarınnan tözelä: tarix, tatar, ingliz tele, kalligrafiya häm tagın bik küp üzençälekle ostaxanälär häm däreslärne üz eçenä ala. 

«Bolgar-Tugan tel» alanı Tatarstan Respublikası Yaşlär eşläre ministrlıgı, Tatarstan Respublikası Mägarif häm fän ministrlıgı häm «Sälät» yaşlär üzäge yardäme belän ütkärelä. 

Bu cäydä ul ike tapkır oeştırılaçak:

11-17 iyundä - Bolgar-Tugan tel;

19-26 iyundä Bolgar-Tugan tel üz eşen JUNIOR SKILLS BILER FORUM kısalarında däwam itäçäk!

Proektnıñ maksatı – tatar telen öyränügä yaşlärneñ igtibarın cälep itü. «Bolgar – Tugan tel» üz aldına kuygan töp ike burıçnı ütärgä omtıla:

-  Yaña mäglümati häm metodik eşlänmälär kullanıp, tatar telen tiränten öyränü, tatar telle moxit buldıru;

- Tatar mädäniyate traditsiyalären üzläşterü. Aktiw pozitsiyale sälätle şäxes tärbiyaläüdä innowatsiyale alımnar kullanu.

Alan eşçänlege Mägarif häm fän ministrlıgı belän berlektä «Tatarstan Respublikası däülät telläre häm Tatarstan Respublikasındagı başka tellärne saklau, öyränü häm üsterü buença Tatarstan Respublikası däülät programması» buença oeştırıla.

«Bolgar-Tugan tel» cäyne faydalı häm onıtılmaslık itep ütkärergä teläüçelär öçen! 

PROGRAMMA


gariza cibärergä
Jitäkçelek