Болгар-Туган тел кире кайтырга

Төп юнәлеш:
тарих, иҗат, тел
Үткәрелү вакыты:
11-17 июнь; 19-23 июнь
Үткәрелү урыны:
Биләр
Катнашучылар: 5-11 сыйныф укучылары

«Болгар-Туган тел» чатырлы аланы 2014 нче елда барлыкка килә һәм инде берничә ел дәвамында үзенә сәләтле балаларны җыя. Болгарда барлыкка килгән алан быел беренче тапкыр Изге Биләр җирендә үткәреләчәк һәм нәкъ менә әлеге сменадан соң Сәләт форумнары старт алачак!

Алан программасы татар телен, мәдәниятен өйрәнүгә, телнең төрле өлкәләрдә гамәли кулланышын арттыруга юнәлтелгән. Ул катнашучыларның һәрберсенә үзләрен татар мәдәниятен үстерүдә җаваплы итеп тоярга мөмкинлек бирә, төрле тематик блокларга бүленгән мәдәни һәм белем бирү чараларыннан төзелә: тарих, татар, инглиз теле, каллиграфия һәм тагын бик күп үзенчәлекле остаханәләр һәм дәресләрне үз эченә ала. 

«Болгар-Туган тел» аланы Татарстан Республикасы Яшьләр эшләре министрлыгы, Татарстан Республикасы Мәгариф һәм фән министрлыгы һәм «Сәләт» яшьләр үзәге ярдәме белән үткәрелә. 

Бу җәйдә ул ике тапкыр оештырылачак:

11-17 июньдә - Болгар-Туган тел;

19-26 июньдә Болгар-Туган тел үз эшен JUNIOR SKILLS BILER FORUM кысаларында дәвам итәчәк!

Проектның максаты – татар телен өйрәнүгә яшьләрнең игътибарын җәлеп итү. «Болгар – Туган тел» үз алдына куйган төп ике бурычны үтәргә омтыла:

-  Яңа мәгълүмати һәм методик эшләнмәләр кулланып, татар телен тирәнтен өйрәнү, татар телле мохит булдыру;

- Татар мәдәнияте традицияләрен үзләштерү. Актив позицияле сәләтле шәхес тәрбияләүдә инновацияле алымнар куллану.

Алан эшчәнлеге Мәгариф һәм фән министрлыгы белән берлектә «Татарстан Республикасы дәүләт телләре һәм Татарстан Республикасындагы башка телләрне саклау, өйрәнү һәм үстерү буенча Татарстан Республикасы дәүләт программасы» буенча оештырыла.

«Болгар-Туган тел» җәйне файдалы һәм онытылмаслык итеп үткәрергә теләүчеләр өчен! 

ПРОГРАММА


гариза җибәрергә

Җитәкчелек