Sanak ← кире кайтырга

Töp yunäleş:

Mäglümati texnologiyalär

Ütkärelü wakıtı:

15 iyul - 1 awgust

Ütkärelü urını:

«Fänsar» FMÜ (Alekseewsk rayonı, Bilär awılı)

Katnaşuçılar:

12 - 18 yaş

«Sanak» – Sälätneñ cäyge profille alanı. Ul Tatarstan Respublikasınıñ sälätle balalar häm yaşlären tabu häm üsterügä, östämä belem birügä, uku öçen uñaylı şartlar tudıruga yunälderelgän.

«Sanak» alanı tarixı 2008 elda başlanıp kitä, şunnan birle smena el saen katnaşuçılarga informatika häm mäglümati texnologiyalär yunäleşeneñ törle yakların aça, kızıklı uku-ukıtu programmasınnan tış balalar öçen şäxes formalaştıruga yunälderelgän icadi, sport, fänni-intellektual çaralar da tormışka aşırıla.

Alannıñ maksatı - balalarnıñ häm yaşüsmerlärneñ intellektual häm icadi potentsialın mäglümati texnologiyalärdä gamälgä aşıru.

Alan yunäleşe kısalarında tübändäge däreslär häm master klasslar uzdırıla:

- Python telendä Web-kuşımtalar buldıru;

- Java telendä programmalaştıru nigezläre;

- olimpiada programmalaştıruı;

- sistemalı idarä itü häm mäglümati iminlek;

- LEGO robototexnikası;

- grafik dizayn (Adobe Illustrator, Adobe Photoshop);

- 3D-modelläşterü;

- Ingliz tele.

Uku-ukıtu ‌‌programmasın kwalifikatsiyale studentlar, aspirantlar häm IT-belgeçlär alıp bara.

«Sanak» alanı – kiläçäkneñ öleşe bulu mömkinlege!