Manzara ← кире кайтырга

media
5 - 22 iyun
«Argamak» IPÜÜ (Kama Tamagı rayonı, Kama Tamagı ş.t.b.)
8 - 15 yaş

«Manzara» - Tatarstan Respublikası häm annan tış töbäk balalarınıñ sälätlären açıklauga, ul sälätlärne tormışta häm hönäri eşçänlektä, aeruça media ölkäsendä, döres kullanırga öyrätügä yunältelgän cäyge profille Sälät alanı. 

Alan barışı däwamında sälkeşlär öçen yaña belemnär tuplarga yardäm itüçe mawıktırgıç uku-ukıtu häm kızıklı, törle yaktan üsterüçe küñel açu programması tözelä. 

Uku-ukıtu programmasına kilgändä, ul «media» ölkäseneñ töp 4 yunäleşen üzläşterügä karalgan:

-       Wideolar töşerü häm wideo montajlau

-       Fotografiya sängate häm grafik dizayn

-       Jurnalistika

-       SMM

 Sälkeşlär şuşı yunäleşlärdä täcribä tuplagan studentlardan, eşläüçe hönäri belgeçärdän, blogerlardan, jurnalistlardan belemnär ala. Şulay uk üz eşçänlegen sälkeşlär alıp baruçı alan radiosı alıp bara. 

Uku-ukıtu programmasınnan tış, sälkeşlär törle ostaxanälär barışında kızıklı künekmälär buldıralar. 

Kızıklı uennar häm törle yunäleştäge (sport, mädäni, intellektual h.b.) mawıktırgıç kiçke çaralar yardämendä sälkeşlärneñ aralaşuı, yaña tanışlar häm duslar tabuı öçen uñaylı şartlar tudırıla. 

Baza turında mäglümat.

Yullama bäyase: 40790 sum.

Bez sotsial çeltärlärdä:

https://vk.com/selet_manzara

https://t.me/manzarara