Cisem ← кире кайтырга
«Sälät-Cisem» – Sälätneñ profille alanı. Ul Tatarstan Respublikasınıñ sälätle balaların häm yaşlären tabu häm üsterügä, östämä belem birügä, uku öçen uñaylı şartlar tudıruga yunälderelgän.
«Sälät-Cisem» alanınıñ maksatı icatka tartılgan, anıñ belän kızıksıngan balalarnı tuplap, muzıka, biyu häm teatr yunäleşlärendä belemnären arttıru, alarga icat itärgä uñaylı şartlar tudıru.
Alannıñ uku-ukıtu programmasına zur östenlek birelä. Balalarnı tanılgan spikerlar, professional ostazlar belän oçraşularnı häm aldıngı belgeçlärdän däreslärne kötä. Uku-ukıtu programması öç töp öleştän tora: muzıka, xoreografiya, teatr.
Däreslär traditsion bulmagan formatta ütkärelälär. Alarda balalar teoretik belemnärnärdän tış, yugarı däräcädä praktik belemnär alalar. Programma näticäle häm kızıklı eşkä yunältelgän. Anıñ töp näticäläre smena azagında ütäçäk festiwaldä çagıla.
«Sälät-Cisem» alanında kiläse däreslär bulaçak:
· wokal
· cır yazu
· oratorlık ostalıgı
· akterlık ostalıgı
· milli biyu
· zamança biyu
Uku-ukutı programmasınnan tış, balalar öçen kızıklı küñel açu programması karalgan: saf hawada sport uennarı, küñelle köndezge häm kiçke çaralar, gadäti bulmagan oçraşular.
Bez sotsial çeltärlärdä:
